Nasoins Unidas emblem

Oinsá maka ita harii nasaun ida husi ahi-kadesan konflitu nian?
Tenke kria espasu ne'ebé seguru

Espasu seguru
ida hodi harii instituisaun sira

Liutiha Konsulta Populár iha 1999, povu Timor-Leste nian, ne'ebé sei terus tanba sékulu kahaat ida (1/4) ho konflitu, komesa harii sira-nia nasaun hahú ho infraestrutura ne'ebé rahun tiha ona.

Pesoál manutensaun pás ONU nian tulun Timor-Leste atu hala'o knaar susar ida-ne'e liuhosi uluk halo espasu ne'e seguru.Iha espasu ne'e nasaun nurak ida-ne'e bele hala'o eleisaun, harii instituisaun sira, fornese servisu públiku oioin, hadi'ak kualidade vida ema sira-nian, no proteje direitus umanus.

ONU ho komunidade internasionál ajuda estabelese no treina Polísia Nasionál Timor-Leste nian no apoia entidade sira Estadu nian ne'ebé hala'o supervizaun sivíl ba forsa seguransa.

Tempu liu, no maski prosesu dala balu la'o la di'ak, Timor-Leste nia polísia kaer responsabilidade tomak polisiamentu nian enkuantu ONU muda fali ba papél konselleiru. Agora, feto no mane sira-ne'ebé membru polísia Timor-Leste nian iha primeira liña hodi mantein pás no estabilidade. Timor-Leste mós harii ninia servisu bombeiru, emerjénsia, migrasaun no servisu seluseluk ne'ebé garante povu nia seguransa.

Timor-Leste nia dinamizmu hodi kria espasu seguru bele haree liuhosi ezemplu Tour de Timor nian. Tinan ida dala ida, siklista timoroan no internasionál sira sa'e bisikleta hodi halai-taru ho seguransa liu husi fatin dook liu iha foho iha rai-laran, no ema-foho simu sira ho entuziazmu no apoia sira. Tour de Timor internasionál 2012 nian lori siklista ba dala uluk hakat liu fronteira ho Indonézia no liu husi territóriu indonéziu iha Timór Loromonu to'o Timor-Leste nia enklave Oekusi. This remarkable achievement is a sign of the growing cooperation between Timor-Leste and Indonesia.